"ಕೋರಿಕೆ "

ಹತ್ತಾರು ಕನಸುಗಳ ಹೊತ್ತು
ಮನಸು ಮರಳಿದೆ
ಮಗುವ ಮುಗ್ಧ ಮನದೆಡೆಗೆ
ಬದುಕಿನ ಬವಣೆ ಸಹಿಸಲಾರದೇ ..
ಓ ಆಘಾತವೇ ,
ಹೃದಯಕೆ ಬಡಿದು
ಉಸಿರನೋಯ್ಯದಿರು ..
ಹೊತ್ತು ಮುಳುಗುವ ಮುನ್ನ
ನಾ ಕಂಡ ಕನಸಿಗೆ
ಅರ್ಥ ಪೂರೈಸಬೇಕಿದೆ ..

"ಹಂಬಲ "

ಸವಿದುಟಿಯ ಅಂಚಿನಿಂದ
ನನ್ನವನು ಕೊಟ್ಟ
ನನಗೊಂದು ಮುತ್ತು
ಮತ್ತದೇ
ಬೇಕೆನಿಸಿತ್ತು ನನಗೆ
ಮುಸ್ಸಂಜೆಯ ಹೊತ್ತು ..!

* * *

ಮತ್ತೆ ಮತ್ತೆ ಬಂತು
ಮುತ್ತು ಕೊಡುವ
ಹಂಬಲ..
ಏನು ಮಾಡಲಿ ?
ಜೊತೆಗೆ
ನಲ್ಲನೇ ಇಲ್ಲವಲ್ಲ !

ಪರೀಕ್ಷೆ

Exam ನಲ್ಲಿ ಹುಡುಕಿದೆ

ಪೂರ್ವ ಪಶ್ಚಿಮ

ದಕ್ಷಿಣ ಉತ್ತರ

ಕೊನೆಗೂ ಸಿಗಲಿಲ್ಲ

ನನಗೆ ಸರಿಯಾದ ಉತ್ತರ

ಕಾರಣ !!

ಕೂರಿಸಿದ್ದರು ನನ್ನ

ದಡ್ಡರ ಹತ್ತಿರ ! :(

"ನನ್ನಾk "

ಹೊತ್ತಿಲ್ಲದ ಹೊತ್ತಿನಲ್ಲಿ

ಗೊತ್ತಾಗದ ರೀತಿಯಲಿ

ಸವಿಮುತ್ತ ಕದಿಯೋ ಆಸೆ

ನನ್ನಾk ಗೆ

* * *

ಎಷ್ಟು ಬೇಡಿದರೂ ಗಲ್ಲ ನೀಡದವಳು

ಮುದ್ದಿಸಲು ಹೋದರೆ

ಒಮ್ಮೆಲೇ ಬಂದು ಬಿಗಿದಪ್ಪುವಳು ,

ತಿಂಗಳ ಕೊನೆಯಲ್ಲಿ ಸಂಬಳ ತಂದರೆ

* * *

ಇದು ಪ್ರಭುರಾಜ್ ಮೂಗಿ ಅವರ "ನನ್ನಾಕೆ " ಬ್ಲಾಗ್ ಓದೋವಾಗಾ ಬರೆದಿರೋದ್ರಿಂದಾ ಇದು ಕೂಡ ನನ್ನಾಕೆಯಾಗಿ ಬಂದಿವೆ .

"ವಿಧ್ಯೆ "

ಹೆಣ್ಣು ಓದಬೇಕು
ಇಲ್ಲದಿದ್ದರೆ
ಆದೀತು ಅಡಿಗೆ ಮನೆಯೇ
ಅವಳ ನೆಲೆ ...
ಎಂದು ಅಮ್ಮ ಅಂದದ್ದು
ಅರ್ಥವಾಯಿತು
ಮದುವೆಯಾದ ಮೇಲೆ .. :(

"ಸ್ನೇಹ ಸಂಬಂಧ "

ಪ್ರಣಯ ಪಕ್ಷಿಗಳಲ್ಲ
ಸೋತ ಪ್ರೇಮಿಗಳೂ ಅಲ್ಲ ,
ಒಲವ ಝೇ೦ಕಾರವಿದೆ
ನಮ್ಮೊಳಗೆ
ಹೃದಯ ತುಡಿತವಿದೆ
ಮಾತೊಳಗೆ ,
ನಕ್ಕು ನಗಿಸುವ ಮನಸು
ಮಾತು ಮುಗಿಸದ ಕವಿತೆ
ಇನ್ನೇನೋ ಹೇಳುವ
ಕನಸು ನಾಳೆಯಲಿ
ಜೊತೆಯಲೇ ಇರಬೇಕು
ಘಂಟೆ ಘಳಿಗೆ !
ಪ್ರೀತಿಸುವ ಬಗೆಯಿದೆ
ಪ್ರೇಮಿಗಳೂ ಅಲ್ಲ ,
ನಲ್ಲ ನಲ್ಲೆಗೂ ಹೆಚ್ಚು
ಆ ಜೀವ ಧಾತನೆ ಬಲ್ಲ ..
ಅದು ನಾನು - ನೀನು !
ನೀ ನನ್ನ ಜೀವಕೆ ಗೆಳೆಯ
ನಾ ನಿನ್ನ ಭಾವಕೆ ಗೆಳತಿ..

ನಾನು ನನ್ನವರನ್ನು ಪ್ರೀತಿಸುತ್ತೇನೆ
ಮೊದಲಿಗಿಂತಲೂ ಜಾಸ್ತಿ !
ಮತ್ತೆ ನನ್ನ ಹೆಸರಲ್ಲಿ
ತೆಗೆದುಕೊಂಡಿದ್ದಾರೆ
ನಾಲ್ಕು ಎಕರೆ ಆಸ್ತಿ :)

" ಮುತ್ತು "

ಸಾಗರದಾಳದಲಿ
ತಡಕಾಡಿದರೂ
ದೊರೆಯದ
ರತ್ನ ಬಣ್ಣದ
"ಮುತ್ತು "
ಸಿಕ್ಕಿತ್ತು ನಿನ್ನ
ತುಟಿಯಂಚಲ್ಲಿ

"ವ್ಯತ್ಯಾಸ "

ಅಂದು ಕೃಷ್ಣ ಊದಿದ ಕೊಳಲು
ರಾಧೆ ನೀಡಿದ ನೃತ್ಯ
ಬೆಳದಿಂಗಳ ಬ್ರ೦ದಾವನದಲಿ
ಅದು ಪ್ರೀತಿಗಾಗಿ .......
ಇಂದು ನಾನು ಗೀಚಿದ ಹಾಡು
ನೀನು ಮಾಡಿದ ನೃತ್ಯ
ಇದು ಪ್ರೀತಿಸುವ
ಡೊ೦ಬರಾಟದ ಬದುಕಿಗಾಗಿ ...... !

"ಹಲ್ಲೆ "

ಮದುವೆಯ ಮೊದಲು
ಒಲಿದು ಮುತ್ತಿಕ್ಕಿದಳು
ಮದುವೆಯ ನಂತರ
'money'ಗಾಗಿ ಹತ್ತಿಕ್ಕಿದಳು !!!